香港新浪網 MySinaBlog
« 上一篇 | 下一篇 »
| 10th May 2006, 17:55 | 就地發牢騷 | (653 Reads)

某一個晴朗假日的下午,一件桔加一隻貓被留在家中。日光普照,室外氣溫應有攝氏三十度。孤獨而不寂寞加上無人約無約人的桔便留在家中跟貓窩在房中hea住hea住打發這樣美好的一天。。那來得濃烈的焦味,壞了人和貓的和諧。窗外,白煙迷漫,彷遠的火警鐘聲響徹。急忙熄電腦關窗找衫褲更換。。貓見件桔匆忙碌出房碌入房,睡意也消,一臉不解看著桔的小混亂。出了冷巷看看究竟,原來是樓下商場的酒樓搶火惹起了小火災。晚上跟媽說起,被媽揶揄。。不涉慌亂,而是桔慣常到「要上街」的時間才肯換衫褲的習慣。若然真是走火警,桔又要換衫又要拿銀包又要執番好五官又要抱貓一起走的諸多動作,冒冒失失的,準會害死佢自己。。
是男生多好。。桔想。至少男生們不用戴bra,笠件衫就出得門口見得人。。
跟人說起這件趣事。。男生說外國很普遍嘛。。慨嘆香港不是西方國家,奈何。。。
香港人幾時先可以接受不戴bra也不是什麼一回事呀?
By the way,我不是什麼婦解份子。。件桔只是覺得,不戴bra,沒有「鐵線」之類的「造型」東西圍著胸脯,真的好爽。。
男人唔會明白,冬天凍到震騰騰仲要剝光衫著胸圍,凍柑似的手指還要按著一個個step整理好身上的胸圍是幾咁痛苦的事。〔家中沒暖氣設備。。sorry〕
男人唔會感受到,夏天熱死辣辣出哂汗。。仲要感受被個bra箍著身體的感覺。。

一定要延伸的:
Step to wear brassiere ~ Wacoal 

抗拒著,不代表抗拒買喎。。〔女生嘛〕
市面上有番咁上下地位的品牌,其胸圍的款式又多又靚,不會想到一個bra竟係由數十塊不同形狀的布塊組成吧!
件桔每次入店買bra,總是睇到眼花撩亂,個個都想摸〔有點變態。呵!〕,個個都想買。。
算了算了,買bra時的心情,男生是不會明白了。。
不說了。


[5]

戴bra是一種風氣,也是商人在女性身上賺錢的方法,夏天戴bra實在很難頂,真佩服在浩熱夏天戴bra的女性,如果我是女性,一定唔會在浩熱夏天戴bra的,就算打死都唔戴,因為我平時只穿一件T恤都熱到死,還要在T恤內戴bra,簡直係受苦!


[引用] | 作者 bra bra | 7th Dec 2006 13:30 | [舉報垃圾留言]

[4] Re: Alan
Alan :
若果真是走火警找件衫來"蔽體"巳是冒險, 還要顧及那幾圈鐵線, 那我這個男生大概是真的摸不著頭腦了, 為什麼???
話時話, 宜家我做CS 呢個dept 因為全女班, 所以食完飯有時間行街, 我多數都係跟佢地入女人fashion 店, 化妝店, 睇女人野, 就係未入過bra 店... 估計佢地唔會帶我入去, 我亦未必會有呢個膽量去抗拒呢種不自在感而跟埋入去... 因為總係覺得所有男或女都會將我睇成 yum stick, 嘻嘻... 受不了

哈哈。。事實上,女同事們鮮會一起看bra。話哂咩size,有無厚墊裝假狗都畀人一目了然。。被人知被人笑就唔好啦。。你估《絕世好bra》咩!哈哈哈。。
或者,因為你在,所以佢地唔好意思去睇bra。。哈哈~


[引用] | 作者 | 12th May 2006 08:30 | [舉報垃圾留言]

[3] Re: atlas
atlas :
女生不是也可以罩件衫就出街了吗,不会在家连bra也不穿吧?

若沒有男性在家,為何還要穿上箍著身體的衣物?
不過,這是習慣。。嘿。


[引用] | 作者 | 12th May 2006 08:23 | [舉報垃圾留言]

[2]

若果真是走火警找件衫來"蔽體"巳是冒險, 還要顧及那幾圈鐵線, 那我這個男生大概是真的摸不著頭腦了, 為什麼???

話時話, 宜家我做CS 呢個dept 因為全女班, 所以食完飯有時間行街, 我多數都係跟佢地入女人fashion 店, 化妝店, 睇女人野, 就係未入過bra 店... 估計佢地唔會帶我入去, 我亦未必會有呢個膽量去抗拒呢種不自在感而跟埋入去... 因為總係覺得所有男或女都會將我睇成 yum stick, 嘻嘻... 受不了


[引用] | 作者 Alan | 11th May 2006 23:56 | [舉報垃圾留言]

[1] atlas

女生不是也可以罩件衫就出街了吗,不会在家连bra也不穿吧?


[引用] | 作者 atlas | 11th May 2006 17:39 | [舉報垃圾留言]