香港新浪網 MySinaBlog
« 上一篇 | 下一篇 »
| 23rd Apr 2006, 01:05 | 肚裡一條蟲 | (1106 Reads)

 一句「生於斯,長於斯」,令我想起嫁了日本人的陳美齡一首舊歌。。
由出世到現在,我住過上水古洞一個農場〔老爸當年是個開農場的。現在那裡早變成東鐵的物業囉。〕之後搬到元洲街三三三號三樓,之後因為經濟問題母親也要工作養家,所以將仍手抱的我交畀予住在醫局街某號四樓一戶的收太太湊。。後來,舉家又搬到福華街一九五號三樓。。之後,搬到屯門大興村住,識了無間道的韓森〔哈哈!這個講笑啦~〕。。再之後,到天水圍。
奇妙的,自小對當下的時間空間特別敏感,所以。。我現在仍有手抱時的印象。我記得在農場裡面負責看守的狼狗。記得阿位太太〔玲媽〕給我買巧克力豆,我拿在手中揮舞的那個影像。記得媽晚晚拖著我到長沙灣九公附近的巴士站等爸放工回家。記得媽放我在衣車旁的布堆上看著當製衣車工的媽工作。記得媽入院生妹妹,爸帶我去大牌檔吃了粥和炸兩。記得爸媽晚晚帶我去散步,還常去黃金那邊〔當時好似係戲院〕旁的老麥食薯條。記得大大公司,大元公司的擠擁。記得入戲院看大白鯊第一集的情景。記得樓上住了一戶兒女成犀群的跌打師父。記得住的板間房內每樣陳設。記得入廚房前必要經看到天井的騎樓。記得排隊等沖涼等去廁所。記得住元洲村姨丈屋企那鐘的「的嗒」聲。記得在丹心幼稚園唱「我是一個大蘋果,個個孩子都愛我。又香又甜又好吃」。記得電視的鹹蛋超人,大鐵人十七號,小露寶,乞嚏大魔王。記得,我一直記得。。
我不知為什麼會這樣,可是我就是記得。。那時,我根本不超過六歲。。不知道什麼是艱難。
有人說,香港人普遍存在過客心態。。總是為了明天會更好而忽略了當下的人和事。我想,我對幼年的記憶竟如此深,可能我真的細細個就知道香港是我永遠的根吧。。年華似水,但一切記憶卻是永恆。
呵呵呵。。
我仍然很懷念那間老麥呀!

特別加插:
※有無人都住過上述街道呀?我會不會搵到讀幼稚園時的同學仔呢?


[7]

我都係丹心學生,不過早好多啦,約1972年.

我係住元州村.


[引用] | 作者 豆腐仔 | 25th May 2009 04:41 | [舉報垃圾留言]

[6]

ha ha ha! 我都係丹心幼稚園畢業ga!
我諗我係79-82年的, 不過唔記得首歌, 反而記得幼稚園出面有好多小販, 我婆婆常帶我買o野食!! 我都住喺o個頭, 喺青山道332 3/F


[引用] | 作者 BaLLin | 25th Oct 2008 16:22 | [舉報垃圾留言]

[5] 我是一個大蘋果

小弟都係讀丹心嘅,我 e 家廿幾歲,你講嗰首歌我仲記得「我是一個大蘋果,個個孩子都愛我。又香又甜又好吃,小朋友常常吃我,面常也像個蘋果。」

係到同您打個招呼先 ^^


[引用] | 作者 家豪 | 22nd Aug 2008 23:55 | [舉報垃圾留言]

[4]

Hi,我都係丹心幼稚園畢業架,想同你做個朋友...我係1984年第十五屆


[引用] | 作者 Louis Lai | 18th Oct 2007 23:57 | [舉報垃圾留言]

[3] 丹心幼稚園

我以前都讀丹心


[引用] | 作者 | 16th Jun 2006 15:13 | [舉報垃圾留言]

[2] Re:
Terence :
冇錯,是黃金戲院。拆左了。我舅父是當時的帶位員。去過那間戲院呢。
大元公司,有點印象,還有太子的大大公司,最上層是有遊樂場的。

除了那個兒童天地,還有山東街瓊華商場對面商廈樓上,有一個玩樂場咖。。我記得置有「哈哈鏡」。。細個唔識,覺得塊鏡把人照到又肥又瘦,好詭異!哈哈哈。。


[引用] | 作者 | 23rd Apr 2006 14:43 | [舉報垃圾留言]

[1]

冇錯,是黃金戲院。拆左了。我舅父是當時的帶位員。去過那間戲院呢。

大元公司,有點印象,還有太子的大大公司,最上層是有遊樂場的。


[引用] | 作者 Terence | 23rd Apr 2006 03:05 | [舉報垃圾留言]