香港新浪網 MySinaBlog
« 上一篇 | 下一篇 »
| 29th Apr 2008, 13:05 | 08身外事 | (292 Reads)
高志活被香港政府強行遣返回國,我睇新聞都覺得好震驚。係真係好震驚!因為,又一次事實證明那些管治香港的官員係弱智囉。

人家是「橙色運動」的創辦人,今趟因為香江的所謂「保安理由」而強行把他遣返回國,他自然可在其世界性組織網頁上大書特書發表意見,義正詞嚴批評香港的人權倒退,大書質疑香港一國兩制法治下那些所謂擁有的「自由」的真偽。被拒,被遣,連電話都不接,一切都真憑實據,無得抵賴。 

哎呀,揭了香港的糗。香港的國際地位評分一定拉低啦。 

亦因為他是國殤之柱的作者,而國殤之柱又牽涉到中國另一件血腥鎮壓人民事件。香港強行遣返他,反而把事件鬧大,國際傳媒少不免又報導他的個人履歷和作品。六四,國內最大的忌諱,咪咁樣再被挑出來講囉。 

若非香港政府搞壇咁野蠻出來,作為平民百姓的我,日日咁多紅鬚綠眼抵港旅港點會知道他們各人的身份來歷?又怎會知道Jens Galshiot來港和其來頭喎。 

最匪夷所思係,人家Jens Galshiot抗議示威煽動搶火伴跑咩都未做就貿然將一個剛抵港穿戴整齊遣返,畀唔到,又講不出充分的理據去支持呢次強行遣返行動係有法有據執行,而涉及的官員或部門皆一致地唔聽電話連日索性連把口都自封避免講多錯多。越怕人家做十五不停先大範圍做初一,連選擇都幫市民做埋決定埋,終於無端把件事搞大,唔係低能係咩? 

官喎。。 

影響香港利益是否想得太長遠呢?我又覺得這個理由既充分又虛無。茲事體大,目光凝聚,作為中國聖火第一站,如果香港都發生類似南韓日本法國的抗議事件,的確令一眾前仆後繼死而後已的地方官員和財閥日後無啖好食。他們丟官職丟商機事大,令高幹領導國家丟顏受嘲愛恥就更大鑊甘。中國人歷幾千年最難接受排第一位咪就係丟臉囉。家醜到嘔都不可變人家的笑柄。 日後食屎定食飯都係睇香港人聽不聽話才知從阿母手中乞到乜。

2號那天最好全港人識做地由頭紅到落腳企出來搞到香港紅海一片咁笑笑口揮揮〔國〕旗一齊為京奧呢台大龍鳳團結地吶喊。咁先至代表你政治正確超級愛國!「基本法」都要我們一起熱愛啦!何況祖國乎! 

想想,因為一些示威者搞垮祖國及港地官商單方面想得「原本很美好很完整」的事,遂成為內地憤青文革式地圍剿七情上面直指六七百萬香港人都係漢奸!殖民餘孽!唔愛國!然後我們去大陸旅行被擲蛋,生意被阻撓,被邊緣。 

齋想到地球突然冒起六七百萬漢奸,都覺得蔚為奇觀!是否要set個紀念日? 

講回Jens Galshiot,政府馬首之瞻,唔好理佢咩背景,應該發揮好客之道招待他,讓Jens Galshiot在香港的每分鐘都有賓至如歸的感受,做個好榜樣畀全城市民學習,兼為上邊阿爺貫徹執行一國兩制的事貼金丫嘛!反正,人家Jens Galshiot都沒有做過影響香港市容的事耶!人家未落機未講未做就送紅牌踢佢走,擺明身有屎,驚囉。 

慨嘆,點解這「國技」班官就學得咁快?還是根性問題? 

喂。。2號著橙色衫上街會不會被警方埋身查身分證咖?


[2]

thx your share


[引用] | 作者 interior designer | 9th Aug 2011 14:52 | [舉報垃圾留言]

[1]

其實高志活先生應該開心先係.
雖然我唔認識藝術同藝術家,
但記憶中可以「影響一個社會共眾利益」應該冇幾個.
更加可以話係一份榮譽tim呀

Mr.bananachiu
[引用] | 作者 Mr.bananachiu | 4th May 2008 07:42 | [舉報垃圾留言]