香港新浪網 MySinaBlog
| 5th May 2006, 00:11 | C1POV | (536 Reads)

星期三星期四,有機會坐在電視機前看火舞黃沙。。因為在網上我看到有人說黎姿唸對白的方式很吵。。所以特意看看。。
第三第四集,黎姿唸每一句對白都很「硬」很躁。。柔不起來的女角難哽。知道劇情發展下去,她嫁到山上一定鬥得人不人鬼不鬼。於是,都是又硬又躁啦。。這是我的結論。
然而看了兩集,發覺套劇究一些大小事都真係好好笑。。
例如,一開波播的劇集主題曲。。對不起,真的難以恭維。很難聽。林保怡的唱功真係駭人。
之後,有一段,講穿上裙褂的黎姿在沙漠遇上沙暴。。她狼狽前進找生路,除了睜得到雙眼已「奇事」外,留心一下,黎姿個口大部份時間都係擘開。。咦,食沙乎?
星期四,即幾個小時前播完的第四集,阿老爺入媳婦房跟未過門的媳婦說話的一段。。點解下人要關門留下爺媳兩人在房呢?阿老爺講講下竟然一屁股坐在媳婦床沿。。嘩!山上的人開放成咁我作為城市人無知丫?定係「咸濕老爺俏媳婦」呢又?嘩然,是老爺當時係講緊女人的貞節很重要很重要的,失貞比丟命更慘。。可是,他一坐,不是有歪倫常丟了媳婦的貞節嗎?再看清鍾Sir的造型。。我不禁想入非非。。
黎g浮誇如《金枝》。佘c曼又係一貫咁性格語氣。陳豪、黃德斌、林保怡都係咁。。
唔好笑咩!真係幾年後著不同戲服都「連到戲」先勁嘛!
真係唔好以為拍續集連到戲得都係「東莞仔」的林家棟一個先得咖。。。

報紙賣,火舞黃沙第一集劇力逼人。坊眾大讚好好睇好緊張。。我沒有看,可否講我知有幾好看呢?